旅遊

10月限定!楊州나리공원粉紅波波草花海

講到韓國嘅秋天,大家會諗到啲咩呢?係滿山滿谷嘅楓葉,定係金光閃閃,睇起水嚟好靚,但其實臭到死,連韓國人都唔太鍾意嘅銀杏?當然,銀杏與楓葉喺韓國嘅秋天是非常之多,而且唔駛走去郊外,於首爾市區就可以睇見滿滿嘅楓葉與銀杏景點。

不過今天小編今日要介紹嘅韓國秋天景點就唔係楓葉和銀杏🤣,而係介紹有別於一般秋天景點想像嘅絢爛花海。哩個花海都是位於首爾附近嘅景點,相信一定會令你喺秋天嘅韓國旅遊,有更多豐富嘅色彩。


首爾秋天景點:楊州 NARI公園(양주 나리공원)

地址:京畿道楊州市廣沙路131-66/경기도 양주시 광사로 131-66
開放時間:9:00~17:00(最晚18:00需離開)

入場費:成人2000韓幣 / 14-18歲青少年1000韓幣

位於首爾近郊嘅楊州Nari公園,近哩幾年成為咗好多韓國人和旅客於秋天必去嘅花海景點。雖然唔喺首爾市中心,但由首爾站搭乘地鐵1號線大約一個小時車程,抵達楊州站(양주역),轉搭公車,就可以見到哩遍美麗嘅粉紅花海。

不論係波波草(掃帚草)、粉紅亂子草,或者大波斯菊、千日紅等等,好多有夢幻童話一般場景嘅花海景致,都可以喺哩個楊州公園一覽無遺。

對於秋天景點多數都係帶住金黃、楓紅的色調,喺楊州Nari公園哩度,有好多唔同色彩嘅美麗花海,每一個角落都係打卡同呃LIKE嘅好地方😂。

10月限定開放嘅楊州Nari公園,係秋天到韓國首爾旅遊唔可以錯過嘅景點。厭倦咗一成不變嘅賞楓行程?咁就搭地鐵,過嚟京畿道楊州睇睇哩個五顏六色嘅璀璨花海啦。

#怎麼去首爾秋天景點:楊州 Nari公園?

  • 首爾地鐵1號線 ,搭乘至楊州站(양주역)2號出口。
  • 過馬路往左邊走,在車站對面的站牌搭乘綠色公車:77-180,於해동마을站下車。

Related Post