穿搭

秋冬米色穿搭法!輕鬆穿出大愛文青風格

好多人都好鐘意同色系嘅穿著配搭,皆因簡單易襯唔駛諗!講到最適合做全身同色系穿搭嘅顏色就非米色同大地色莫屬,用溫暖十足嘅棕色、米色或卡其色嘅顏色做搭配,輕輕鬆鬆就可以著出人人都愛嘅文青風格,絕對係最適合秋冬嘅穿搭方法呢!以下有幾套米色系穿搭可以俾大家參考一下~

好多人都覺得同色系嘅著法睇落好單調好悶,但係其實同色系穿著嘅重點係喺唔同嘅質感同材料作為層次嘅穿搭,係而家喺文青界裡面非常流行嘅配搭方法,所以係非常有參考價值咖^^

以前有個說法:衛衣就一定配牛仔褲,邊個話咖?其實一件衛衣都可以配搭出唔同風格,如果想著出斯斯文文嘅文青風格,下身就可以配搭同色系嘅百摺裙做一個互相搭配,再著一對白鞋仔或者帆布鞋,就可以營造出簡約又有氣質嘅著法喇!

格仔絕對係文青嘅代表元素,而且今年都非常流行復古格仔紋,只需要喺配搭時加一件格紋嘅單品,即使其他單品只是淨色,都可以輕鬆營造出校園文青風格喔!

以米色系作為整套穿搭的主色調,米色上衣、米色漁夫帽、米色手袋,再搭配卡其色長裙都毫無違和感,同色系嘅搭配穿出清爽的好感度呢!

Sr:Pinterest

Related Post