明星

潮爸余文樂抱住仔仔盡顯父愛,成個IG都係仔仔相

余文樂 Shawn 一向比人感覺係潮到世界盡頭嘅時尚人物,作為新手爸爸嘅Shawn,雖然從來都無公開囝囝Cody嘅正面樣,但就不時上載Cody背影、手仔腳仔嘅相上個人社交平台。字裡行間盡顯佢對BB嘅溺愛同愛護,果然男人成家立室後都會收心養性~昔人走在潮流尖端,成個instagram都係「潮物」嘅 Shawn ,如今成個instagram都係囝囝Cody,父愛嘅味道出唒嚟~

自從樂仔結婚後,密密曬甜到漏恩愛照。雖然Cody嘅正面樣未曾曝光,但樂仔慈父口吻已經盡顯父愛,「每日最開心的事就係望住你。」

樂仔上載手抱Cody嘅相打趣咁講:「而家weekend的節目」,看來樂仔而家經常留係屋企湊仔仔。

余文樂私生活一向低調處理,入行咁多年,好少提及自己家事同感情事。舊年跟太太王棠云結婚,樂仔都係婚禮當日先公開婚照公佈消息。

文樂跟太太王棠云婚後唔夠一年就生咗囝囝Cody,更搵咗黃偉文Wyman幫bb改中文名—余初見,意思取自「人生若只如初見」,希望永遠停留喺初見一刻嘅美好,非常有意境。

樂仔忙於發展個人品牌,拍劇、拍廣告,平日又周圍出席活動,未能時時刻刻陪住Cody,佢就感嘆:「當了爸爸後就每天都想回家。以前別人講我不太能想像那感覺,但現在終於知道了…等我爸爸會趕快回來。」大家都感受到佢心繫兒子嘅程度已經係一名「寵子潮爸」了。

雖然有咗Cody後,樂仔同太太王棠云二人世界減少,加上家事一向低調處理,樂仔都少咗上載太太相片。之前樂仔喺日本工作,就疑似食物中毒入院好番之後樂仔公開多謝太太:「謝謝你的照顧。」柔情指數再加100分!