健康,  生活

原來懶惰嘅人更有創意 更加有生產力!我係懶 但係我creative囉!

你算係勤力定係懶惰嘅人呢?無論你懶唔懶,身邊仲有個懶到出汁嘅朋友,之前就有人講過話其實懶嘅人係聰明㗎!因為佢哋會絞盡腦汁去令自己可以懶!

依家仲有科學研究講話其實懶惰嘅人係更有生產力㗎!《時代雜誌》報導,懶惰其實係一種「迷失嘅藝術」,指嘅唔係每秒鐘都渾渾噩噩、無所事事,而係講緊適當地懶惰。

如果利用空餘時間去check email、睇新聞、碌Facebook等等,呢啲活動其實令人更加累。

亦有表示,我哋嘅專注力一係就集中,一係就唔集中。集中時就要全力專注,就可以好好完成事件。但係研究更加指出,「不集中」其實都有好處,「集中」令人更有生產力,「不集中」令人更有創意力。

科學家發現,當人嘅注意力處於休息狀態,人嘅思緒會徘徊喺「迷人」嘅地方,呢個時候我哋嘅頭腦會令我哋做3件事:

1. 休息

注意力處於休息狀態,可以令大腦恢復能量,有助於之後時間更集中精神。所以休息時可以做多啲輕鬆開心嘅事。

2. 計劃

原來當注意力不集中時,對於未來嘅思考時間係會增加14倍。所以專家建議,「有策略地」懶惰比強迫自己絞盡腦汁更加容易達到目標。

3. 發掘創意

當思緒唔集中時,我哋嘅創意力比起集中時更好,可能會突然間諗起幾星期前嘅某一樣諗法,然後係可以幫助解決現有嘅困境。

資料來源:TIME Magazine

Text: Holiday Editorial

Related Post