旅遊,  生活

印尼超夢幻粉紅沙灘!少女心大爆發!

粉紅色嘅沙灘見過未呢? 印尼科莫多島上有一個超迷人嘅粉紅沙灘~
超靚!超夢幻!大家聽唔聽到少女們嘅呼喚聲呢?

造就呢個咁夢幻嘅粉紅沙灘嘅係印尼國寶——紅珊瑚。海底大量嘅紅色珊瑚被海水沖碎後變成細小粉末,同岸上細白嘅沙融合,就形成呢個咁浪漫嘅粉紅色沙灘~

除咗有沙質幼滑而且顏色亮麗嘅粉紅沙灘之外,喺陽光照射下,海水由遠至近呈墨黑、孔雀藍、翡翠綠依次暈染開,藍藍綠綠咁,靚得嚟又夠迷幻~

呢片咁靚嘅海,都係每個潛水愛好者夢寐以求嘅海底天堂,喺科莫多島嘅海底,就算死去嘅珊瑚都保持住完整嘅形態,
好幸運地冇被人類所破壞,所以呢一帶都有「世上最後一個處女海域」嘅美譽~

呢座粉紅沙灘其實距離大家超愛去嘅峇里島都好近,可以順便去朝聖~從峇里島搭飛機只要1個鐘多啲,搭船去都好方便㗎!

Sources:Instagram