生活

【颱風山竹】香港交通癱瘓 老闆古天樂杜汶澤出招應對獲讚

超強颱風山竹雖然逐漸離開香港,但威力實在太驚人,不少高樓大廈與道路都受到重創,令到香港大部分交通都癱瘓。
身為電影公司老闆的古天樂,就非常識得體恤員工,俾員工今天可以留喺home office,唔駛冒住危險返公司上班。

網民知道消息後,個個都留言:「要轉工」、「真良心偶像」同「男神就是頂級」。其實古仔哩幾年嚟,一直低調行善,唔單止在中國偏遠地區捐助建成近百座小學,
仲有捐款興建醫療室同進行小型水利工程,古仔嘅人品真係非常值得大家學習。

古仔尋日就留言稱颱風最啱食即食麵。〈圖片來源:視覺中國〉

而近年開網台做老闆嘅杜汶澤,今朝亦在個人facebook連續開3個Post批評政府安排失當,更以老闆身份留言:「我決定今日公司所有人唔準返工!返工即炒!講完」,
有型到極。其實尋晚已經於facebook上讓同事們喺星期一自己決定係唔係需要回公司,並hastag了「 #而我亦希望其他公司負責人可體恤員工」、
「#依家咩年代吖有部電腦就ok啦」、「#休息唔夠點打仗喎」等。

林盛斌〈Bob〉尋日亦都率先喺facebook宣布旗下的娛樂製作公司全體成員休假一天,並指出:「希望大家照顧好家人,活在當下,珍惜所有 ! 工作永遠做不完,照顧好家庭才是每一個人最重要「工作」!」,獲大讚是真老闆。

Bob的員工真幸福。〈facebook截圖〉

 

而導演彭浩翔亦在facebook留言:「同事可以不回公司,但我想返去睇吓間房有冇事……」,並附上多張大樹塌下的照片,看來導演想上班都不是那麼容易的事。

 

 

資料來源:香港01